La Usc di Ladins

N’autra setemèna de arcedamenc, n auter fin de setemèna de partides. I Falcons seghita sie percors de svilup de talenc del setor mender anter auc e basc, vitories e desfates, lezions da emparèr e traverc arjonc. E sessaben che duta chesta marevea scomenza da picoi, jà col aviament al jech, che chest an i Falcons porta inant con gran cura e che, fèsc a saer la sozietà, l jirà inant amò per dut l meis de november sotrissan l gust de chest jech de squadra te na soula curta frasa: fin canche no ge l’aon fata duc, nesciugn de nos ge l’à fata.

E con chest spirit de fradaa e amicizia i Falcons é jic su la giacia anter i 22 e 23 de otober, dai più picoi de l’U.11 a chi de la 19. 

Duc i resultac é da poder lejer su La Usc stampèda de vender ai 28 de otober.  (Daniele Verra)