In Anpezo i é drio a parecià duto chel che ocore par ra doa gares de ra Copa del mondo de schie de ra femenes de ra setemana che vien: sabeda ai 22 de jenaro ‘l é ra discesa; domegna ai 23 de jenaro el superG. Sto an ‘l é ra Federazion taliana sport d’inverno che fesc ra gares; no n’ea mai suzedù ignante, da canche ‘l é nasciù ra Copa, i anes Sesanta, e da canche i fajea el Trofeo Ilio Colli, i anes Zincuanta, ignante de ra Olimpiades del 1956. Ades i à fato Fondazione Cortina, con inze el Comun de Anpezo, ra Provinzia de Belun, ra Rejon Veneto, ra asociazios de hotiei e de inpiante, el sci club Cortina; chesta Fondazion ra taca a lourà da ‘l an che vien, fin del 2025, par dapò stà pede a cher’outra Fondazione Milano Cortina 2026, che r’à da parecià ra Olimpiades d’inverno, ca de cuatro ane.
Deplù te la edizion stampeda dl 14 de jené.
ABONAMENT 2022 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
Ra Copa del mondo de dute
Dapò de tre ane torna ra gares de schie de ra femenes, ra setemana che vien. I laore in pista, da parecià polito, e par el paes; i śoen che dia ‘na man; el festide par ra marescia; un pensier par ci che stenta
Galaria retrac
- Di Gallo sacretario de ra Copa del mondo de schie in Anpezo, co i laore de i studentes de ra nostra scora d’arte, par ra atletes.
- In Tofana torna ra Copa del mondo de schie, dapò de i Mondiai 2021, ves ra Olimpiades d’inverno 2026.
View the embedded image gallery online at:
https://www.lausc.it/valedes-ladines/anpezo/18271-ra-copa-del-mondo-de-dute#sigProId95c4fc6ac4
https://www.lausc.it/valedes-ladines/anpezo/18271-ra-copa-del-mondo-de-dute#sigProId95c4fc6ac4