La Usc di Ladins

El tegnia droga da vende a chi outre; par śì adora a vende depì ‘l ea pronto a spaśemà chi outre spaciatore, a i petà fora, a i manazà co ra pistola. Par duto chesto e outro pede i à brincà un on da Roma, de 35 ane. I Carabiniere de ra conpagnia de Anpezo, aduna co ra Procura de ra Republica de Belun, r’à sarà chesta organisazion, che ra śia inaante almanco dal 2021. Chesto on el louraa con de outre, i conta oto parsones: chi outre i pagaa o sedenò i lasciaa nafré de droga, che i podese ra dorà par lore. I Carabiniere i à lourà par mesc e dinultima i à ciatà 400 grame de cocaina, par fei fora 656 doses; pi de 800 grame de hashish e ‘pò marijuana. I à tolesc deboto 50 mile euro, che i pensa i see ruade a vende droga; a vende chera pronta i arae scodù outre 70 mile euro. Dute ste sode i ea pronte, da i dorà par in cronpà de outra e fei biei afare. Chiste parsonaje i ea pronte a manazà chi outre, anche co ‘na pistola sun man, par ese solo lore a vende. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper