La Usc di Ladins

Ra sezion de Anpezo de ra Asociazion da Belun de i donatore de sango r’à 174 sozie che dona; i ea de 189 del 2022. Donca i é senpre demanco, ma i é anche senpre pi vece, cemodo che à contà el sacretario Claudio Vecellio a ra foula de ra sezion. L aea beleche dito canche l ea stà ra zena e ra foula, ‘l an pasà.
Un terzo de i donatore de Anpezo à pi de 55 ane; donca i é deboto drio a lascià, che se rua fin de 65 ane, anche se ades i é drio a slongà, da ruà fin de setanta, canche un stà ben, ‘l à dute i esames a posto, e el pó se cordà par chesto co ra Ulss da Belun. El 61par zento de i donatore à pi de 46 ane.Mancia i śoen, pichesee i ome: chi con manco de 35 ane i é noma el 5 par zento. Va meo par ra femenes: cheres con manco de 35 ane ‘s é el 14 par zento, tre otes tanto. Par fei algo conta duto chesto, ‘l é da ruà da i śoen, inze un paes agnó che in é senpre demanco. Vecellio el conta: »Con el projeto scores se và acontà ce che vó dì fei el vorentio, a dià ‘na man a ra śente, anche a donà sango. Se parla de chesto co i scolare, par ruà a ra so families.

De plu tla edizion stampeda de La Usc di Ladins o sun l e-paper a paiament www.lausc.it/e-paper