La Usc di Ladins

Amancol enscin ai 3 de oril jirà amò inant l provediment che descomana la prejenza di scolees e i studenc te sia scoles. Tecnicamenter demò la scolines é deldut serèdes da en vender de la setemèna passèda e per chestes l’é stat donca fermà duta la ativitèdes, enveze per duc i etres ordegn de scola, da la populères a la scola auta, no vegn fat lezion te clas ampò la scola va inant, i dozenc i é en servije e duc cogn se endrezèr per vardèr de arsegurèr che i ensegnamenc posse seghitèr a vegnir porté dant ai scolees e studenc che cogn studièr e fèr i doveres a cèsa ogneun per sie cont.

La situazion é n muie senestra e complichèda, ence percheche la é vegnuda fora de colp e percheche l’é na gran malsegureza, con ordenanzes che muda o che no é deldut chières.

Sion jic a veder coche l gran istitut comprensif de la Scola Ladina de Fascia é dò a lurèr te chesta situazion, scutan la sorastanta Mirella Florian, la dozentes che à l’encèria de »animatores digitales« e i dozenc che se cruzia de la TIC, la Tecnologìes per l’Informazion e la Comunicazion.

Podede lejer dut l'articol su La Usc stampèda de vender ai 13 de mèrz 2020.   (Lucia Gross)