Per la litazions aministratives di 20 e 21 de setember en dut ti 6 Comuns de Fascia l’é 12 candidac ombolc, con 14 listes ajache tel maor Comun de Sèn Jan l’é stat prejentà doi listes con candidat ombolt Giulio Florian e doi listes con candidata ombolta Lara Battisti. A Moena l’é doi listes: una per Riccardo Franceschetti e una per Alberto Kostner; a Soraga ence l’é doi listes: una per Valerio Pederiva e una per Fernando Brunel. Doi listes ence a Mazin con candidac ombolc Fausto Castelnuovo e Manuela Spinel. L’é ben trei listes tel Comun de Ciampedel con candidac ombolc Ivo Bernard, Stefano Sommavilla e Serenella Manfroi. Gran marevea enveze tel Comun de Cianacei olache chest’outa se à prejentà demò na lista con candidat ombolt Giovanni Bernard. Te la desvaliva listes se pel veder la prejenza de n muie de joegn.
La listes con sie simbol e duc i inomes di candidac é da poder lejer su La Usc stampèda de vender ai 14 de aost.
Te Fascia l’é 12 candidac a ombolt
Ti 6 Comuns l’é 14 listes: a Sèn Jan ogneun di 2 candidac é sostegnù da 2 listes, a Cianacei l’é demò na lista e a Ciampedel l’é trei contendenc.
Galaria retrac
View the embedded image gallery online at:
https://www.lausc.it/valedes-ladines/fascia/13273-te-fascia-l-e-12-candidac-a-ombolt#sigProId9d668b5ec1
https://www.lausc.it/valedes-ladines/fascia/13273-te-fascia-l-e-12-candidac-a-ombolt#sigProId9d668b5ec1
