L’à inom Alessandro Chiocchetti e i ge disc del Lere, dò la ciasa, descheche i fajea chi egn, enceben che l ge tegn a dir che da man de pare el l’é del Pelin. L’é da Moena: »son proprio nasciù a Moena, no a Ciavales« l disc. L’é a Bruxelles da 25 egn e l vegn a Moena ogne outa che l pel e l rejona ladin perfet. Enstadì, inant che l se n vae endò de retorn tel Belge, sion jic a l troar per se far contar valch de so lurier e de la situazion de anchecondì te l’Europa e ence chiò da noi.
De più su La Usc 35 de vender ai 4 de setember
(Lucia Gross)