Enstadì l’é stat manà fora ai conseieres de l’Union di Ladins de Fascia na relazion en cont a la scomenzadives metudes en esser e ai projec ponté via te chest prum meis del 2021. Ve porton dant ence a duc voetres i vèresc più emportanc che é dò a fèr l’Union per sostegnir e mantegnir viva noscia rejonèda.
Nef sit Internet per l’Union
L consei de l’Union di Ladins de Fascia l se à dat jù te chisc meisc passé per l’endrez de n nef sit internet (ladinsdefascia.it). Tant l lurier del svilup del sit che dut i contegnui, da la fotografìes ai tesć, i é stac metui ensema dai conseieres enstesc. Se rejona su la neva piataforma de l’identità de la sociazion, l’é stat ciarià sù en pèrt l’archivie storich de l’Union e te la sezion dedichèda a la colaborazions radiofoniches vegn archivià, da poder se scutèr canchemai, duc i programes che ti egn l’Union à endrezà. Amò apede, vegn lascià lèrga a la neves da man de l’Union e ai gropes de cultura de noscia val.
Per restèr dapò agiorné en cont a duc i projec e scomenzadives de l’Union, se pel se enscinuèr a la newsletter.
De più sun La Usc 05 di 5 de firé (Nicoletta Riz)
Na neva majon virtuèla per l’Union… e trop de auter!
Galaria retrac
View the embedded image gallery online at:
https://www.lausc.it/valedes-ladines/fascia/14772-na-neva-majon-virtuela-per-l-union-e-trop-de-auter#sigProIda66568c8f6
https://www.lausc.it/valedes-ladines/fascia/14772-na-neva-majon-virtuela-per-l-union-e-trop-de-auter#sigProIda66568c8f6