En ocajion del Consei del Comun general de Fascia, stat ai 29 de mèrz passà, l conseier de procura a l’inovazion Amedeo Valentini à prejentà l projet »A Majon«, na proponeta che enten didèr e sostegnir l’economia de la val. L’obietif l’é chel de creèr na lingia de intervents che envìe via no demò la colaborazion anter la boteighes e i profescionsć ma che cree n vero sistem a sostegn de dut l setor economich col sensibilisèr la jent a comprèr dant de dut sul teritorie.
»A Majon« l’é n inom che te la pronunzia fèsc pissèr a n cognosciù brand internazional de comerz online ma che te nosc lengaz fascian vel dir proprio »a cèsa« donca portèr te noscia cèses e de chi che ge vel ben a noscia val belapontin noscia economia, i prodoc del post.«
L’é stat cernù fora n nef marchie che vel raprejentèr trei conzec prinzipai: prum de dut l teritorie raprejentà dal pin de posizionament, dapò la cèsa e donca l chilometer zero e al medemo temp la comodità e per ultim l’idea de la conescion, del leam.
De più su La Usc stampèda de vender ai 16 de oril. (Monica Cigolla)
A Majon, sostegn a l’economia de Fascia
L conseier de procura a l’inovazion Amedeo Valentini à prejentà l nef projet del Comun general de Fascia che vel didèr i operatores a se fèr cognoscer sul web e sensibilisèr la jent a proveder sul teritorie.
Galaria retrac
View the embedded image gallery online at:
https://www.lausc.it/valedes-ladines/fascia/15439-a-majon-sostegn-a-l-economia-de-fascia#sigProIda37cbd1683
https://www.lausc.it/valedes-ladines/fascia/15439-a-majon-sostegn-a-l-economia-de-fascia#sigProIda37cbd1683