La Usc di Ladins

Duc i 6 ombolc de Fascia, ensema con l procurador Giuseppe Detomas, l conseier de procura del Comun general con encèria a la mobilità Giorgio Dorich e l president de l’APT de Fascia Fausto Lorenz i fèsc pèrt de la Comiscion mobilità del CGF, con a cef l’ombolt de Sèn Jan Giulio Florian, e i é dò a lurèr sui projec per la mobilità de val. Apontin chisc dis i à tout dant l document de la Provinzia, che l’à dezidù de jir inant col projet del Bus Rapid Transit (de chest se pel lejer ence a piata 20 de chest sfoi). En cont de chest, Florian à dit che ence la Comiscion é dò a lurèr fora sia proponeta, che no la é alternativa, ma complementara a chela de la Provinzia.
L’idea de la Comiscion l’é de integrèr l trasport sun goma con chel sun fun, e de chest vers la se à jà ativà con scontrèdes con Doppelmayr e Leitner e ades la é dò a valutèr ence la Bartholet, che à n sistem de gestion de la stazions »a chiamèda« che podessa esser enteressant.

De più su La Usc stampède de vender ai 16 de oril.

 (Lucia Gross)