La Usc di Ladins

L’é la ladina da Sèn Jan Katia Vasselai la neva presidenta de l’Autorità per la mendranzes linguistiches. La é stata nominèda anché, lunesc ai 14 de jugn del 2021, con decret del president del Consei provinzièl Walter Kaswalder. La tol sù l’encèria per i set egn che vegn ensema ai etres doi componenc: la mochena Chiara Pallaoro e l cimbro Matteo Nicolussi Castellan.

Katia Vasselai, clasc 1975, la é avocata, la laora te studie legal dal 2002, scrita ite a l’orden di avocac de Trent dal 2006, dal 2007 l’à avert n sie studie a Vich.

La tol l post de Dario Palloro stat president de l’Autorità per la mendranzes linguistiches tel prum mandat, component de l’organism provinzièl ensema a la ladina Luciana Rasom e la cimbra Giada Nicolussi.



 (MCI)