La Usc di Ladins

L’istà de Circensema se arvejina e ensema con la bela sajon rua ence la terza edizion de l’oramai cognosciù e aprijià Circen Dolomites Festival, l festival de circo de la Dolomites en program te Fascia dal prum ai 8 de aost (www.circendolomitesfestival.com).

Per descorir e cognoscer l mond del circo, ti dis dai 3 a 7 de aost i jocolieres de Circensema propon per bec dai 11 ai 16 egn n laboratorie de jocoleria e desvaliva ativitèdes leèdes al circo dalbon da no perder. Teater de la scomenzadiva sarà i maraveousc crepes de Fascia, ogne dì tel lech olache dapò sarà l spetacol del Festival, e duc chi che tol pèrt al laboratorie i podarà se l goder en pruma fila. 

Duta la ativitèdes sarà a l’averta e les vegnarà vidèdes da esperc de la scola de circo ‘Bolle di Sapone’ de Trent. 

Anter equilibrism, acrobatica a tera, piramides umanes, diablo e tricks de jocoleria i bec podarà cognoscer e sperimentèr desvaliva tecniches acrobatiches e del circo, dajan lèrga a sia creatività e espressività.

L’é amò pec posć a la leta, i enteressé cogn se fèr inant sobito, manan na mail a circensema@gmail.com o chiaman Eleonora Zulian 3467107565 o Vittoria Bernard 3458430945.