Dò aer cognù se fermèr desche duc per i lonc meisc de la pandemia, ence per la Sociazion »Le Muse e le Dolomiti« l’é vegnù zacan l te mp de poder endò peèr via e portèr inant sia notes de fradaa e de speranza.
Chesta sociazion l’é n pont de referiment per la musega classica e soraldut per la lirica te dut l raion dolomitich, la rol ite la provinzies de Belun, Trent e Busan e dal 2013 en cà l’à endrezà 8 sajons de conzerc con passa 100 evenc. Da pech la é cresciuda smaoran sie diretif, che apede a la presidenta Oda Zoe Hochscheid l tol ite la vizepresidenta Adelisa Tabiadon e la conseieres Ai Yoshida, Antonella Schena e Angela Chiocchetti da Moena.
Insnet, vender ai 30 de messèl, l’apuntament é a Moena, tel teater de Navalge, olache da les 9 da sera l’é l Gran Gala Lirico, n conzert con artistes e artisć de la Masterclass Internazionèla, coi maestres Adelisa Tabiadon e Loris Peverada, metù a jir con la colaborazion del Comitat Manifestazions e del Comun de Moena.
De più su La Usc stampèda. (LG)
Le Muse de la solidarietà te la Dolomites
La sociazion vidèda da n grop de eles del raion che tol ite la provinzies de Belun, Trent e Busan é vejina a la jent che padesc travers la musega classica e la lirica. Insnet la fèsc sie conzert te Navalge.
Galaria retrac
View the embedded image gallery online at:
https://www.lausc.it/valedes-ladines/fascia/16604-le-muse-de-la-solidarieta-te-la-dolomites#sigProIda6182ce439
https://www.lausc.it/valedes-ladines/fascia/16604-le-muse-de-la-solidarieta-te-la-dolomites#sigProIda6182ce439