L paesaje muda, da la California a la Dolomites

Data

02 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Cianacei l professor Garbelotto, la enjegnera Nemela e l tecnich del bosch Cavada à rejonà de trasformazion de l’ambient, spostament de besties, jent e piantes e azions de l’om tel chèder de l'event Canazei Campo Base, che per insnet l'à envià l ghest spezièl Reinhold Messner.
L prum apuntament de Canazei Campo Base, n nef event con 6 scontrèdes metù a jir chest istà per endrez di giornalisćGiorgio Pedron e Elisa Salvi col sostegn del Comun, l’APT e la sociazion Ensema per Cianacei, à portà dant en jebia ai 22 de messèl tel Chino Marmolèda dac, riflescions e proponetes de gran enteress.

Protagonisć de la scontrèda l’era l gran espert de bosch e piantes Matteo Garbelotto, de naa da Primier, che ensegna politiches per la gestion ambientèla a l’Università de Berkeley e l gestesc la forestes de la California, la enjegnera ambientèla e presidenta de la Fondazion Dolomites Unesco Mara Nemela da Dèlba e l tecnich forestal de la Magnifica Comunità de Fiem Ilario Cavada.

De più sui contegnui de la sera é da poder lejer su La Usc stampèda de vender ai 30 de messèl.
La scontrèdes de Canazei Campo Base va inant insnet, lunesc ai 2 de aost, con l ghest spezièl Reinhold Messner.  (Lucia Gross)