Pian pian se taca a se fegurèr coche la vardarà fora la neva rodadoa a Sèn Jan. I lurieres é taché ite col meis de setember e i jirà inant fin de dezember per la orir col scomenz de la sajon da d’invern. L é n’opera de la Provinzia de Trent che sul papier à beleche 10 egn. Jà del 2012 l Servije Operes stradèles metea ju n projet definitif per fèr na rodadoa a Sèn Jan sul crousdevia anter l stradon de la Dolomites e Strada Neva, ma dapò tel Pian di investiments per la viabilità 2014-2018 no la era più stata metuda ite. Del 2017, aldò di aprofondimenc del Servije Operes stradèles sul besegn de na rodadoa tel chel scito, vedù che aló rua ence duc i auti da Busan su, l é stat enciarià l enjegner Manuel Ghetta da Vich de meter ju n projet de n’opera più picola. L projet é stat tout su da la Provinzia de Trent e metù a bilanz. L enjegner Manuel Ghetta ne à rejonà de coche jirà inant i lurieres.
Podede lejer dut su La Usc stampèda de vender ai 15 de otober. (Monica Cigolla)
Va inant i lurieres de la rodadoa a Sèn Jan
L enjegner Manuel Ghetta da Vich ne met dant tempes e intervents pervedui.
Galaria retrac
View the embedded image gallery online at:
https://www.lausc.it/valedes-ladines/fascia/17413-va-inant-i-lurieres-de-la-rodadoa-a-sen-jan#sigProIdb917c7d620
https://www.lausc.it/valedes-ladines/fascia/17413-va-inant-i-lurieres-de-la-rodadoa-a-sen-jan#sigProIdb917c7d620