La Usc di Ladins

»Un’onda per le donne«: con chest titol en jebia ai 25 de november, tel dì dedicà a la eliminazion de la violenza contra la eles, la sociazion »La voce delle donne« à volù leèr con n fil ros i paijes de Fascia e Fiem con paroles, musega, riflescions e libres, per meter l’atenzion sul grief problem de la violenza su la eles, per dir che la violenza no l é demò chela fisica ma la pel esser ence psicologica o economica, ma ence per recordèr la forza e l valor de la eles.
Con la colaborazion del Comun general e di Comuns, con sia assessores al sozièl, la ona checena é peèda via da les 4 domesdì te piaz Marconi a Cianacei a la prejenza de n bel grop de sentadines e sentadins.
Dapò ence a Sèn Jan, Moena, Pardac, Tieser e Ciavaleis se à dejout l fil checen che à leà sociazion e istituzions per ge dir a la femenes che no les é soules, che cheles che padesc violenza no les cogn se tegnir de mèl o aer tema de denunzièr, ma les cogn domanèr aiut a sia istituzions o chiaman l numer de telefon 348 0035423 o l 1522.

De più su La Usc stampèda de vender ai 3 de dezember.  (lg)