L à dassen garatà l cors de depenjer a la fascèna rencurà dal artist e President de l’Union di Ladins de Fascia Fernando Brunel portà dant ensema a la Cooperativa sozièla Oltre de Ciampedel. Per cater outes 15 aprendisć curiousc se à binà per emparèr a durèr penie e colores aló da la Boteiga Ensema te zenter comerzièl, averta del 2020 per ge dèr luster ai prodoc de la Cprativa sozièla Oltre. Chest l é un di apuntamenc de l’Union di Ladins per valorisèr l’èrt di pitores fascegn.
L maester del cors Brunel ge à dat a si studenc de bogn consees, frut de egn e egn de lurier te chest ciamp. Te ogne apuntament i aprendisć ge é jic do a pitures storiches di fascegn toutes dal liber ‘Pitores e colores’ del Istitut Cultural. A la fin de ogne lezion i utenc de la Coprativa Oltre ge à sport n bon marendel ai partezipanc che, do n’oreta e mesa de lezion, i à podù se fèr doi ciacoles.
A la fin del percors, de breotola brunes no n é vanzà nience una, dutes les se à fornì de fiores e picoi ucie de ogne forma e color. Che emozion per duc veder ciutèr fora dai penie duta chesta marevees!
De più su La Usc stampèda de vender ai 15 de oril.
(Nicoletta Rz)
Che colores, che pitores!
A Ciampedel n cors per emparèr a depenjer a la fascèna e slarièr fora l moviment di pitores fascegn.
Galaria retrac
View the embedded image gallery online at:
https://www.lausc.it/valedes-ladines/fascia/19362-che-colores-che-pitores#sigProId4b6a2cbb94
https://www.lausc.it/valedes-ladines/fascia/19362-che-colores-che-pitores#sigProId4b6a2cbb94