La Usc di Ladins

Te chest moment de pandemia no l é sorì per la sociazions de volontariat poder se troèr e jir inant con sia ativitèdes. Te chisc doi egn la Museghes no à podù fèr n muie de proes e spetacoi, e nos museganc spetaane con gaissa che vegne l moment de poder scomenzèr endò a sonèr duc ensema. Per fortuna chel moment l é ruà e coscita pian pian aon tacà via co la proes, dant a sezions e più tèrt duc ensema, speran de poder endrezèr via conzerc e ativitèdes l più prest possibol.

Coscita zacan, do dut l uton e l invern de proes, la Musega de Moena à podù portèr dant n conzert che merita chest inom: l prum conzert do doi egn te n teater.

De fat, en sabeda ai 30 de oril da mesa les nef dadoman, i sonadores era jà te teater de Navalge piens de gaissa e contenteza a enjignèr la paladina per sie spetacol.

Da trei chèrt da les nef da sera l teater era belebon pien e i museganc vertesc per tachèr via l conzert che aea desche titol »Questione di stile - A propojit de stil«.

De più su La Usc stampèda de vender ai 6 de mé.  (Silvia Dellantonio)