Con dut l dan che Vaia à fat te nesc bosć, se no auter podon dir che duc à abù l met de se meter via n bon pecia de legna da èrder per d’invern, che se vegnissa a mencèr dassen l gas de la Ruscia, jent posse amancol tizèr delvers te fregolèr e te fornel. Chi egn no l’era pa de auter, se chi volea aer bon ciaut amancol te stua. Emben, en chel an del 1891 l’era n freit e na bora tant zasiégola che no se era più bogn de se parèr: «Chel pere fornel l’é scialdo fers, ma no joa nia nience tabies, scarane, ciuches, tia, dut inderno, che da una man tu te sciaude e da l’autra se é imbramii». Coscita ge scrif Amadio Calligari a so pacònt Tita Cassan te sia letra dai 17 de jené.
Duc sà che a tizèr ge vel ciuches, e ence la tia se sà che la bruja bel delvers, con duta chela rèja. Ma tabies e scaraneanchecondì nesciugn sà più che che l’é. Bon che enlouta Hugo de Rossi à abù l’antiveder de se copièr jù la letres de nosc Amadio, da olache l’à tamejà fora n sach de material lessical per sie Ladinisches Wörterbuch.
Per l descorir cognede jir a vardar la rubrica su La Usc stampèda de vender ai 26 de aost.
(Fabio Chiocchetti)
Tabies e scarane
Te sia ultima rubrica "Paroles fora de crigna“ Fabio Chiocchetti ne met dant coi parole che segur tropes no à mai sentù e l ne fasc descorir coche la paroles muda segnificat col jir de la storia.
Galaria retrac
View the embedded image gallery online at:
https://www.lausc.it/valedes-ladines/fascia/20768-tabies-e-scarane#sigProId92912a7bb7
https://www.lausc.it/valedes-ladines/fascia/20768-tabies-e-scarane#sigProId92912a7bb7