La Usc di Ladins

La se clama »Kae Sa Luk« e l’é la vegla ert thailandeje de zuplé fora de ogni sort de roba da mangé, come fruta, verdura. Na tradizion nasciuda ntel 1364, cánche Nang Nopphart l ava bu l’idea de zuplé fora deplù sort de fruta e verdura per decoré n luminal che galegiánt per l festival real »Loy Krathong« per l fe nsomié a nen gran ciof de loto. I conta che cánche l Re Phra Ruang l a vedù l resultat l a aprijé trop chësta novité e che l fossa deventé patrimone artistich de la Thailandia. Na forma d’ert che adés l’a ence n joven de reisc fodome premié a le Olimpiadi de la Cujina. Se trata de Daniele Selle, fiol de la Pia de »Tita Pecul«. Daniele, 26 agn, l vif n Ègort. Davò avei fat le scole aute al Istitut Alber­ghier de Falcade l a laoré per enval­gune stagion come cuogo nte alberghi n Val Badia e Gherdëna davánt ciapé na luoga de laour dut l ann nte firma che fesc catering per la Luxottica a doi varesc da cesa.

De plu tla edizion stampeda de La Usc di Ladins o sun l e-paper a paiament www.lausc.it/e-paper