La Usc di Ladins

I scolars de la scola mesana »E.Renon« de Brenta i a mané fora n apél a duta la popolazion da Fodom e a chi che volëssa daidé prò:»Scinchéne n liber, nos ve scincarón n segnaliber«. L obietif che s’a metù davánt i tosac defati l é chël de renové, arichì e slargé l’ofierta de la biblioteca de la scola. N particolar ven damané libri de aventura, amicizia, de viadesc, storia, horror, románzi de ogni sort »che ne feje apascioné, mparé, nmaginé, crësce e mparé« disc i tosac. Sesaben che i libri i mossarà ester adatei a tosac e tosate dai 11 ai 14 agn. A duc chi che scincarà n liber a sua outa i é vignarà dé n segnaliber fat a mán dai scolars e l inom l vignarà scrit davántsu sul liber. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper