La Usc di Ladins

Bën 377 iedesc à i judacrëp tl 2019 messù jì a judé. La cumpëida crësc da ann a ann. Pra la senteda generela che ie stata puech dan Nadel à i cumëmbri nce lità l presidënt nuef Hubert Moroder, nscila à inuem l presidënt vedl y nce nuef. Moroder se à inò metù a desposizion y à nce giapà na gran maiuranza dla stimes. L medemo vel per si vize, Andreas Anvidalfarei. Te cunsëi réstel inant Michael Demetz, Jan Luca Senoner, Bruno Malsiner y Matthias Verginer. Leprò iel unit Aaron Moroder, che tol ite la luegia de Markus Kostner che ne à nia plu ulù se mëter sun lista. Uneranzes per cater cumëmbri Walter Piazza cun 38 ani de atività, Pius Malsiner che ie 45 ani leprò, Josef Kasslatter "Zico" cun 53 ani de servisc y Edi Stuflesser cun bën 65 ani de atività ie pra chësta generela nce unii unerei per la gran atività y l bon lëur che i à fat te chisc ani.

Foto: Unerei y cunsëi vedl di Judacrëp.

Deplù tla edizion stampeda di 10.01.