L ie tlo la mprescion, a la udëi da dedora y coche bele dit, che l vënie mé menà ti chëunesc dan la vela, fajan deventé la cuestion n politicum plu che de cialé dla gran mpurtanza dl frabicat nuef, sce nia bele per la Union di Ladins de Gherdëina y la Usc di Ladins, che semea mo for nia massa bënududes te cër’ ambienc, pona almanco per l Teater y l Museum. Ala fin dla finedes seméiel che la cossa va mé inant a livel politich-persunel y monce ideologich y nia a livel aministratif y de dërc, ala fin monce mo de dërc per la mendranza ladina, che à n gran bujën de sustëni per si ativiteies y per si strutures, ulache la Cësa di Ladins ie una dla strutures de majera mpurtanza per la mendranza ladina duta. Per ne rujené nia dla mpurtanza sozio-culturela n generel y monce dla mpurtanza turistich-economica de n frabicat sun mesura. Chiche ie de contra – y de chëi n iel mo for – dëssa almanco vester da tant de l dì, de mëter dant si mus.
Comentar de David Lardschneider
L politicum Cësa di Ladins
Galaria retrac
View the embedded image gallery online at:
https://www.lausc.it/valedes-ladines/gherdeina/12093-l-politicum-cesa-di-ladins#sigProId7dfcc2d2fa
https://www.lausc.it/valedes-ladines/gherdeina/12093-l-politicum-cesa-di-ladins#sigProId7dfcc2d2fa