La Usc di Ladins

Cun l sport dai schi pudëssen mplenì na zaita ntiera, ma cun Rainer Senoner ons ulù tré ca n valgun argumënc mpurtanc, scumencian sambën dala situazion nia iust bela da chëst ann, te chëla che nia mé l sport dai schi muessa viver y sëuraviver zënza jënt, zënza fans. L on udù de dezëmber te Gherdëina, l on udù a Cortina tl'ultima enes y l sention monce sce son sentei dan la televijion. Màncel pa i fans?
Rainer Senoner, presidënt dl »Saslong Classic Club«. Foto: »Saslong Classic Club«
La minonga dl presidënt dl »Saslong Classic Club« Rainer Senoner: »Sambën ne n'ie chësta nia na situa­ zion saurida, sce penson per ejëmpl ai Campiunac dl Mond a Cortina, ulache n à laurà ani alalongia per i mëter a jì y śën ne possa deguni jì a ti cialé dal vif. L ie stlet per l'atmu­ sfera, ma mo deplù iel n gran dann per duc chëi che fajova cont cun n grum de jënt, dai hotiei nchin ala gastronomia, dala butëighes nchin a dut chël che toca leprò pra n tel gran evënt. N problem iel dessegur nce per chëi che à metù jì i Cam­ piunac, ajache l ie unì a mancë i scioldi di tickets. Chësc dann ons nce nëus abù de dezëmber, pra nosta garejedes de Copa dl Mond.«
Lecurdon che duta la garejedes ie unides y unirà inant purtedes ora zënza publich, y sce n se lecorda dla gran masses de fans che n fova usei a udëi per ejëmpl a Kitzbühel o a Wengen, depona iel da capì che cun
Foto: »Saslong Classic Club«
n inviern coche chësc pòssen mé sëuraviver un n iede, plu giut ne n'ie chësc dann per plu lies che mët a jì la garejedes nia da pudëi tenì ora.

SPM

L articul ntier tla edizion de La Usc di Ladins di 26 de fauré.

Foto: »Saslong Classic Club«