La Val Badia á dal mëteman dl 2019 incá (jená resp. forá) dui mandatars SVP ti dui gremi legislatifs plü alc de provinzia y regiun: Daniel Alfreider é un di vizepresidënc de Kompatscher y assessurs ladin a Balsan, Manfred Vallazza é assessur regional ales mendranzes.
La Junta nöia a Balsan do les lites dl altonn 2018 é sostignida dala SVP y dala Lega. L’esecutif mené dal presidënt dla Provinzia Arno Kompatscher, che é gnü lité por le secundo iade do le 2013, á ciafé la crëta ai 25 de jená 2019 tl Consëi provinzial y é metü adöm da indöt 9 mëmbri – 7 ëi y 2 ëres. Por le pröm iade á le presidënt dla Provinzia n vizepresidënt por vigni grup linguistich, un de chisc é Daniel Alfreider da Calfosch, che se crüzia dla scora y cultura ladina, dla mobilité y dla rëi stradala.
I inoms dla Junta regionala nöia é gnüs metüs sön mësa por la reuniun dl Consëi regional en mercui ai 27 de forá 2019; na picia sorpreja é stada la presënza de Waltraud Deeg (SVP), che ê ince bele assessura provinziala a Balsan. Por le grup linguistich ladin él gnü cherdé l’aconsiadú provinzial a Balsan Manfred Vallazza d’La Val.
La Junta regionala co dess ester operativa cina d’altonn dl 2023 tol ite chisc inoms: - Arno Kompatscher (SVP), che é chisc pröms dui agn y mez ince presidënt dla Junta regionala; - Manfred Vallazza (SVP Ladina); - Waltraud Deeg (SVP); - Maurizio Fugatti (Lega - Trentin), che sará per chisc doi agn y mez vizepresident y dedó president dla Jonta regionala; - Claudio Cia (Agire per il Trentino); - Giorgio Leonardi (Forza Italia - Trentin).
(Iaco Rigo)
N assessur provinzial y n assessur regional
La pröma ediziun 2020 de "La Usc di Ladins" ciara derevers al ann 2019
Galaria retrac
View the embedded image gallery online at:
https://www.lausc.it/valedes-ladines/val-badia/11627-n-assessur-provinzial-y-n-assessur-regional#sigProId876364766e
https://www.lausc.it/valedes-ladines/val-badia/11627-n-assessur-provinzial-y-n-assessur-regional#sigProId876364766e