La Usc di Ladins

Pici y gragn s’la inconforta tres indó da podëi platerné tla cronica dla Val Badia y ince en chësta aisciöda éra tan inant! I cronisć á rové da scrí, le letorat é porté a fin, la grafica stimenëia y le Sas dla Crusc 2019 é stampé!
I savun che tröc aspeta ert, porchël metará man i colaboradus dla Uniun di Ladins da porté fora le Sas dla Crusc 2019 te ostes ciases dala proscima edema inant. En chësc ann él ince sté (y é dötaurela ciamó) poscibl da comané la cronica tres Facebook sön la plata dla Uniun Ladins Val Badia, na iniziativa de chëra che tröc á aprofité.
La publicaziun ciafëise ince da cumpré te n valgönes botëghes dla Val Badia: Mascotte (Al Plan), Botëga de alimentars (Longega), Istitut Ladin Micurá de Rü (San Martin), Sport Tony (La Ila), da Mario (Corvara).
Sce al ess da capité che nüsc colaboradus ne röia nia da os a ciasa, che les copies tles botëghes foss rovades y i oresses impó la cronica, spo podëise contaté la Uniun di Ladins Val Badia tres i profils Facebook y Instagram o scrion na e–mail a info@uniunladins.it.
Damperfora ves aodunse a düc na buna letöra y tröpa ligrëza cun le Sas dla Crusc 2019!