La Usc di Ladins

En domënia ai 16 de agost á le grup di Stüdafüch da La Val podü inauguré n auto nü, che é bele gnü cumpré l’ann passé. Por gauja dles restriziuns dl corona é les festes de San Florian y dla Segra chësc ann tomades t’ega y insciö á i funzionars dla uniun fat fora da tigní chësta domënia na picia festa de inauguraziun. La mëssa da festa é gnüda tignida söla plaza dan le paiun dla musiga. Cun mascheroc y cun mantigní les destanzes scrites dant á i mëmbri di stödafüch y la popolaziun tut pert ala mëssa alaleria zelebrada da siur Franzl Sottara.

Deplü podëise lí t’La Usc di Ladins di 28 d’agost