La Usc di Ladins

En San Matio vëgnai de munt – insciö díjon da vedlamënter incá te Mareo. En chësc ann án aldí les tlunches fora por les strades y i paisc deplü dis do San Matio, canche la pröma nëi ê bele arsida ti paschi söalalt y ince ite por la Val, olache i armënc aspetâ da gní pará o condüs a ciasa.
A Al Plan él gnü fat na picia festa nia ofiziala por la "desmuntada", adöm cun paurs y famëis.
La bela sajun é passada canche an alda les ciampaneles dai tiers che röia a ciasa, te deplü posć y sön lüsc áldon i armënc a pascentada ti vilins. Canche i tiers é da munt jö, ne dörera nia di a Segra dl Rosare che déura la sajun da stlafé che rondenësc cina ti crëps y anunzia la Segra de  Düc (Segra d’La Pli) – en chësc ann söl program ai 18 d’otober 2020.
(Iaco Rigo)


Söles fotografies:
Ai é gnüs de munt da Senes jö.