La Usc di Ladins

En mertesc ai 20 d'otober s'á abiné por le pröm iade do les lites le consëi nü dl comun da Corvara. I punc sön l'ordin dl de ê, danter l'ater, l'aprovaziun dles lignes programatiches por i proscims 5 agn y la mudaziun dl bilanz de previjiun dl 2020.

Le program ê bele gnü metü jö dal ombolt adöm cun deplü aconsiadus y insciö él gnü aprové atira al'unanimité. Tröc é i proiec che le comun da Corvara se tol dant da fá danter le 2025 sides por ci che reverda la viabilité, les infrastrotöres, l'edilizia, l'ambiënt, che por sostigní les categories economiches, sciöche i operadus turistics, i artejans, i comerzianc y ii. Propi deache le documënt programatich é tan rich, á l'ombolt Robert Rottonara ince porté dant i proiec a chi che al ti gnará dé priorité. De chisc podarëise nen savëi deplü tla ediziun da en vëndres.  (kp)