La Usc di Ladins

Do n jená plülere chît por les infeziuns corona tla Val Badia, án albü ti ultims dis n gran aumënt. Dai 27 incá él gnü pormez nia manco co 50 caji nüs tres test PCR (. Le plü ai 29, olache al n’é sté 21 te n bot. Ma ai 29 de merz y ai 18 de novëmber 2020 n’êl sté cun 22 deplü te un n de.
Le Comun plü atoché é chël de Mareo, che é passé te cater dis da 151 a 174 caji, spo vëgnel San Martin che é passé da 84 a 99, mo ince La Val é passé da 73 a 81. Insciö án sëgn tla Val Badia 51 porsones atualmënter positives. Le comun de Corvara é le su zënza caji al momënt positifs.

Caji atifs ti comuns dla Val Badia
Corvara 0
Badia 3
La Val 9
San Martin 19
Mareo 20

Les carantenes se lascia ince ciamó sintí cotan tla Val Badia, olache i un aladó dles statistiches da incö 194 porsones en carantena, passa meses te Mareo.

Carentenes ti comuns dla Val Badia
Corvara 15
Badia 30
San Martin 20
La Val 30
Mareo 99