Avisa le 0,107%: chësta é la chersciüda porcentuala dla popolaziun dla Val Badia tl ann 2020. Nia de spetacolar, sciöche an vëiga atira. L’ann passé él ma gnü pormez 12 abitanc nüs, y ti dodesc paisc dla valada sunse rová a 11.130 aciasá: 5.581 ëi y 5.549 ëres. Le numer de nasciüs é resté feter anfat: 120 n’él sté l’ann passé, che é un demanco co l’ann denant. Dal’atra pert él sté 105 porsones che é passades a miú vita: cater deplü co l’ann denant. Le paisc da La Val é chël che é tratan le 2020 jü le plü zoruch de popolaziun, cun 26 zitadins demanco respet al ann denant. Ince San Ciascian á pordü 16 abitanc, y Calfosch 10. Le plü é chersciüs i paisc d’Al Plan cun 31 abitanc lapró, spo Badia cun 21 deplü y Lungiarü cun 12 deplü. I un damané ti comuns do les statistiches sön le movimënt demografich.
Deplü ciafëise t’La Usc di Ladins di 5 de forá. (pablo)
Val Badia: ma 12 abitanc deplü
Tla Val Badia unse arjunt dl 2020 na popolaziun de 11.130 abitanc, che é ma 12 deplü co l’ann denant. Te dui comuns (y cin’ paisc) é i aciasá jüs zoruch cotan
Galaria retrac
View the embedded image gallery online at:
https://www.lausc.it/valedes-ladines/val-badia/14709-val-badia-ma-12-abitanc-deplue#sigProId17d7cbaf3b
https://www.lausc.it/valedes-ladines/val-badia/14709-val-badia-ma-12-abitanc-deplue#sigProId17d7cbaf3b