La Usc di Ladins

»De ci se crüzia pa Alta Badia Brand?« »Tan de colaboradus laora pa tl'Assoziaziun Turistica y ci feji pa?« »Co vëgnel pa lauré te chësc momënt particolar en previjiun dla sajun da d'isté?« A chëstes y a tröpes d'atres domandes gnarál respognü tratan i Webinars de informaziun inviá ia dal'Assoziaziun Turistica y Alta Badia Brand vigni lönesc, mercui y vëndres dales 9:00 inant. I dui direturs Max Nagler y Roberto Huber se metará a desposiziun sön la plataforma digitala por presenté en cört les ativités de ATAB y ABB y dantadöt por respogne ales domandes di assoziá y por baié de tematiches liades al turism, al marketing y ala comunicaziun. I Webinars é limitá a 20 partezipanc, chësc por ti dé la poscibilité a düc chi che tol per da fá domandes y dí sües minunghes. Por tó pert mësson se anunzié ti ofizi turistics da La Ila (0471 847037) y Corvara (0471 836176). 

Nos ti ún bele fat danfora n valgönes domandes ai dui direturs, che i podëis lí tl articul che gnará fora t'La Usc en vëndres ai 12 de forá.   (kp)