La Usc di Ladins

Sëgn éra fata: le Comun de Mareo á venü definitivamënter sü locai olache al é laite al momënt la Cooperativa Turistica, plü avisa ala Scora de Schi d’Al Plan. Chësc é le resultat dla lizita desfirada ai 23 d’aurí. Bele n mëis denant â le Consëi de Comun definí plü avisa les condiziuns por lizité i indöt 149 m2 de locai feter tl zënter de paisc. La rajun stá tl fat che le Comun á debojëgn de scioldi por finanzié strotöres a bëgn dla coletivité. Le prisc de basa scrit fora dal Consëi de Comun ê de 325.000,00€. Ai 23 d’aurí da misdé é les bustes gnüdes daurides sö, por man dla vizeombolta Elisabeth Frenner Suani. Indöt él sté cater oferënc che s’á "mosoré" por abiné chisc locai. La oferta plü bassa é gnüda fata tres n avocat Nöckler, che â pité 341.002,00€. Les atres é dötes sozietés dl paisc: la firma Adrenaline á pité 413.100,00€, la Scora de Schi Sporting á metü sön mësa na proposta de 566.666,00€ y ala fin ciamó la Scora de Schi d’Al Plan che se l’á fata avarëi cun la soma de 604.534,00€. 
Ci che le Comun fej cun chisc scioldi y co che ara vá inant, ti unse damané al ombolt Felix Ploner.

Deplü ciafëise t’La Usc di Ladins di 7 de ma