Le personal dles strotöres sanitares y soziales é chël che é da oramai n ann y mez sön le "frunt dla pandemia". Ëres y ëi á lauré en pröma ligna por ti garantí inant cura y assistënza a paziënc ti ospedai, a assistis te salfs protezioná y sambëgn ince a berbesc y mëdes tles ciases de palsa, gonot atocades da ones de pandemia che á ince porté plüra y mort. An sá che ciafé personal tla cura y assistënza é bele insciö valgamia sfadius. Sëgn manacion ciamó da nen perde por forza de lege. Le govern á dé fora n decret spo deventé lege, che obliëia döt le personal sanitar a contat cun la jënt da fá la variora. Dit en cört: chi che ne la fej nia, perd le laur. Na realté che mët en dificolté ince la Ciasa de Palsa da San Martin de Tor, olache al é passa 20 unités de personal atocades da chësc provedimënt. Sce dötes chëstes toma davëi fora, spo án n gran problem te Ciasa de Palsa, deache an risćia da perde n terz dl personal y insciö da messëi cinamai stlü reparc. Lapró s’arjignon a San Martin ince a n’atra gran müda, deache la direturia Michaela Taibon ne arlungiará nia plü le contrat. De chëstes y d’atres chestiuns unse baié cun le presidënt Giovanni Mischí.
La intervista podëise lí t’La Usc di Ladins di 18 de jügn (pablo)
Oblianza dla variora: trica te ciasa de palsa
La lege che obliëia le personal sanitar da se fá la variora podess mëte en gran dificolté ince la Ciasa de Palsa a San Martin de Tor. Tl piec di caji risćion da perde n terz dl personal tla cura y asssistënza. Lapró s’un jará de novëmber ince la direturia
Galaria retrac
View the embedded image gallery online at:
https://www.lausc.it/valedes-ladines/val-badia/16049-oblianza-dla-variora-trica-te-ciasa-de-palsa#sigProId60df3f9910
https://www.lausc.it/valedes-ladines/val-badia/16049-oblianza-dla-variora-trica-te-ciasa-de-palsa#sigProId60df3f9910