La Usc di Ladins

Les restriziuns dl Covid é gnüdes plü morjeles, porchël vára ince indô da s’incunté plü saurí. Insciö á ince l’Aiüt Alpinisć Alta Badia podü tigní l’edema passada süa indunada generala. Al ordin dl de êl l’aprovaziun dl bilanz di dui agn passá, al é gnü baié dl’ativité y di intervënc che é gnüs fac, y sambëgn ince dles mosöres de segurëza por sconé socoridus y paziënc dal Covid. Te chësta ocajiun él gnü onoré deplü mëmbri: Giuvani Castlunger por süa ativité lungia cun i cians da Lovina, sciöche ince Willy Costamoling y Bastl Oberbacher por i tröc agn de sorvisc sciöche capo y vizecapo dla scuadra; na inciaria che ai á tres fat cun gran pasciun y dediziun y por chëra che le CNSAS ti á ince surandé la onoranza da „mëmbri d’onur“ (socio emerito). I onorá á düc podü pié do na caricatöra arjignada da Manuel Crazzolara.
En gaujiun dla sentada án ince podü presenté l’auto nü, che vëgn bele adoré da n valgönes edemes incá.

T’La Usc di Ladins di 16 de messé podëise lí deplü. Le surastant Fabian Oberbacher nes spliga ince ciodí che l’auto nü ê oramai n debojëgn.