La Usc di Ladins

Gnanca en chësc isté n'é les condiziuns dl tëmp stades les mius por les ês. L'aisciöda é stada scialdi frëida y al á ploiü gonot. La racoiüda dla mil di ciüfs ghei tl mëis de ma é daldöt tomada t'ega. Insciö n'á les ês cina la fin de ma nia podü porté ite netar y chësc á spo intardié le svilup di sanc, che ê de jügn - canche la flu ê plëna y les temperatüres bunes cialdes - nia cis en forza. Impó á les ês fat de jügn n pü' de mil de mileflus, mo chësc é pa ince sté döt, deache la mil de bosch ne s'á en chësc isté gnanca lascé odëi.

»Por les condiziuns che i ún albü, messunse ester contënc«, nes dij Milio Terza, presidënt dla Uniun di Zidlaês dla Val Badia, a chël che i ti ún fat na intervista, che podëis lí t'La Usc da en vëndres ai 17 de setëmber.   (kp)