La Usc di Ladins

Ciamó é le tëmp massa bun por aspeté nëis o temperatöres ideales por fá nëi almanco de nöt. Söinsom Plan de Corones án vidlé zacan n de i pröms fazorí de nëi, mo plü co n esperimënt tecnich n’él nia sté. Tratan che al é te nüsc raiuns a Nord y tla Talia zentrala ones invernales, viunse tles Dolomites ciamó i plü bi dis d’altonn, scebëgn che la pröma nëi – gnüda jö dan chi diesc dis – resta inant tles fopes plü a posserí, y olache al ne pó nia pormez sorëdl él ingransié y alüsc val’ picia ega dlaciada.