La Usc di Ladins

Tl Comun da San Martin él gnü metü en pe defata do les lîtes na comisciun che se dá jö cun tematiches che reverda les families. Öna dles idees che an á orü mëte en pratica ti ultims mëisc, é chëra da sensibilisé i ciafers dl trafich motorisé a plü respet sön strada, cis por chi che vá a pe. Tl concret nen vára da jí plü plan y porté pro insciö ala segurëza de düc canc.
Por sensibilisé, án tut la dezijiun da tó le lingaz di mituns, cun sü corusc, cun süa fantasia, cun süa sensibilité particolara. Al é insciö gnü invié ia n concurs de dessëgn cun mitans y mituns dles elementares da San Martin y Lungiarü, por ciafé idees sön i motifs da stampé sön les tofles. Sön i apresciapüch 80 dessëgns dá jö nen vëgnel propi chësc vëndres premié 20, deperpo che 10 de chisc gnará stampá sön les tofles. 

Deplü sön chësta iniziativa podëise lí t’La Usc di Ladins di 26 de novëmber  (pablo)