La Usc di Ladins

Ai 21 de setëmber dl ann passé él gnü tigní tl’Alta Badia la iniziativa "Sapori d’Alta Quota". Te chësta ocajiun él gnü lizité tla Ütia Scotoni na forma de Grana Padano DOP dla Lataria San Pietro, arjignada cun le lat da fëgn di prá dla Valle del Mincio y rafinada a 2.040 metri tla medema ütia. La lizita á porté de bugn früc y insciö éra jüda da abiné adöm la bela soma de 1.800,00€, che ti é gnüda dada en benefiziënza al zënter sozial "La Spona" da Pidrô. Bele de dezëmber ti á i patruns dla Ütia Scotoni – Christian y Erwin Agreiter – surandé de porsona le scech ai assistis y ala manajadëssa dla strotöra.  (pablo)