La Usc di Ladins

La comunicaziun dl diretur dla direziun raionala d’Al Plan Heinz Videsott ti é rovada ai geniturs dla scora elementara d’Al Plan le mercui ai 12 de jená. Iló informëiel de na »emergënza tl’emergënza« te scora. Por la mancianza de tröp personal che mëss sté a ciasa por carantenes o positivités al Covid fejon bele gran fadia da organisé le vignidé te scora en presënza, y an mëss ti la zede ala didatica a destanza. Ara ne vá nia. Sciöche i un damané do, n’é chësta nia ma na situaziun tla scora d’Al Plan, mo te zacotan de scores dla direziun raionala, olache al fala ti caji plü pesoc daimpró dal 50% dles insegnantes y di insegnanc. La infeziun cun chësta varianta dër tacosa dl Covid se lascia sintí cis sön les carantenes, che mët dassënn ala proa le sistem scolastich y nia ma chël. Nos un tut sö contat en mertesc ai 18 de jená cun le diretur Heinz Videsott, che nes á dit plü avisa co che an ciara da organisé l’insegna­mënt, ciünes che é les scores plü atocades y co che ara se stá cun les carantenes te scora.

La intervista podëise lí t’La Usc di Ladins di 21 de jená  (Intervista: Pablo Palfrader)