Tres n confrunt sistematich danter le lingaz dla uma y le lingaz forest che an ó imparé, vára da odëi danfora y da splighé fai tipics y da svilupé strategies efiziëntes por i evité. Le confrunt danter lingac porta dagnora a conescënzes nöies. Particolarités de n lingaz vëgn gonot impormó te chël momënt a löm, canche an les paridlëia cun d’atri lingac. Pian ia dal confrunt danter lingac dessel porchël gní individué dificoltés che pó spo a scora gní tratades cun na atenziun particolara y cun eserzizi arjigná cá aposta por les afronté y les eliminé. Les conescënzes nöies te chësc contest pó insciö gní sfrutades cun suzes te manires y te seturs linguistics desvalis, mo ince sfrutades te disciplines parëntes.
Liede do deplü tla ediziun atuala de La Usc di Ladins!
I trëi lingac tl confrunt y tl’ajunta
L’idea da alzé fora desfarënzes tres contrasć vëgn tl insegnamënt de lingac foresć bele aplicada da tröc dejenas incá cun gran suzes. Por esperiënza vëgn vigni lingaz forest impré söla basa dles competënzes dl lingaz dla uma bele acuisides. Concordanzes danter lingaz dla uma y lingaz forest pó alisiré le prozes de acuisiziun, desvalianzes indere pó l’arferé o cherié dificoltés
Galaria retrac
View the embedded image gallery online at:
https://www.lausc.it/valedes-ladines/val-badia/20149-i-trei-lingac-tl-confrunt-y-tl-ajunta#sigProId1e6c29de75
https://www.lausc.it/valedes-ladines/val-badia/20149-i-trei-lingac-tl-confrunt-y-tl-ajunta#sigProId1e6c29de75
