La Usc di Ladins

Pice Stachio é nasciü ai 11 de messé dl 1928 söl lüch Baldessé a Lungiarü desco 6. viadú de 12 mituns. Le lüch Baldessé stá sön Costa sura Lungiarü sön na tëmpla scialdi ërta y sfadiosa da lauré. Bele da möt orô Stachio gní prou, al sintî la cherdada, mo por gauja dla stënta dla gran familia y dla situaziun politica n’ál tratan la vera nia podü ji inant cun so stüde. Impormó dl 1946 él rové a Trënt tl istitut di Salesians Don Bosco. Do avëi rové le ginase ál fat la matura; spo ál por gauja de maratia (leucemia) podü tó pert ales leziuns de pedagogia y filosofia al’Université ma desco ghest, deperpo él sté educadú di jonins tl colegio a Trënt, so plü bel laur che i portâ sodesfaziun y ligrëza; al â capí che al ess podü i dé ai jogn deplü sciöche prou; al savô da i dé na bona educaziun söl ciamp de pedagogia, dla pastorala cun süa vita esemplara aladô dles idees de Don Bosco.

Deplü sön la vita de Stachio Clara ciafëise t’La Usc di Ladins di 5 de agost.  (Lois Trebo)