Püch dan les 4 da doman é i Stödafüs d’Al Plan gnüs cherdá por n inzidënt tla Val dai Tamersc, defata do Lé dla Crëda te Mareo. Sciöche i Stödafüs scrii sön süa plata Facebook, é n auto cun 6 porsones laites salté te n lëgn y s’á rosedé. Söl post él ince rové i Carabiniers y sambëgn i volontars dla Crusc Blancia, che s’un á tut sura dles porsones. I Stödafüs á albü le compit da lominé y assiguré le post d’intervënt y ciaré che al ne rumpiss nia fora füch. L’intervënt é jü a piz do incër döes ores. (pablo)
Fotos: Facebook/Stödafüs Al Plan
Auto rosedé tla Val dai Tamersc
Inzidënt chësta sabeda adora da doman
Galaria retrac
View the embedded image gallery online at:
https://www.lausc.it/valedes-ladines/val-badia/20595-auto-rosede-tla-val-dai-tamersc#sigProIde0183748d8
https://www.lausc.it/valedes-ladines/val-badia/20595-auto-rosede-tla-val-dai-tamersc#sigProIde0183748d8