Cun les melodies de »Bel lingaz dla uma cara«, ciantades da n cor metü sö por l'ocajiun, á scomencé l'assemblea generala dla Sozieté Cooperativa Turistica Alta Badia, che ê gnüda metüda sö avisa dan da n ann, ai 11 de novëmber dl 2022. Chësta ê ince la pröma reuniun dal ví por i assoziá y les assoziades de düc trëi i comuns, Corvara, Badia y La Val, da canche les trëi assoziaziuns turistiches é gnüdes metüdes adöm. A gauja dl Covid â pö les assemblees i ultims agn messü gní fates online. Al é porchël sté na bela ocajiun por le diretur Max Nagler y por le presidënt Christian Pescollderungg da se presenté dan da i sozi, che á podü rové adöm ciamó n iade dan le scomanciamënt dla sajun da d'invern, na sajun che an se aspeta scialdi buna; al sará n invern lëde dales regoles y dales limitaziuns dla pandemia, mo tres ciamó condizioné da variables internazionales, sciöche la vera y la crisa energetica.
Deplü podëise lí tla ediziun stampada da en vëndres ai 25 de novëmber. (kp)
Pröma assemblea generala por la Cooperativa Turistica
En vëndres, dan otedé, él garaté tla Ciasa dla Cultura da La Ila la pröma assemblea generala dla Cooperativa Turistica Alta Badia, avisa n ann do che ara é gnüda metüda sö
Galaria retrac
View the embedded image gallery online at:
https://www.lausc.it/valedes-ladines/val-badia/21715-proema-assemblea-generala-por-la-cooperativa-turistica#sigProId3f770d311e
https://www.lausc.it/valedes-ladines/val-badia/21715-proema-assemblea-generala-por-la-cooperativa-turistica#sigProId3f770d311e