La Usc di Ladins

En domënia él sté a Sulden n slalom lerch varënt por le GPI Senior. Bun resultat por Matteo Canins da San Ciascian, atlet dl Ski Team Alta Badia, che á stlüt jö la gara al secundo post, batü ma dal franzesc Flavio Vitale, che á dominé la gara davagnan tramesdöes les manches. Terzo post por Giulio Zuccarini y cuarto plazamënt por Manuel Ploner, ince ël da San Ciascian.

Le de do, le lönesc, él spo sté ciamó na gara, en chësc iade de slalom strënt. Chiló é Matteo rové al pröm post, secundo plazamënt, destaché de ma 9 zentejimi, l'atlet marou Tobias Kastlunger. 10. post por Manuel Ploner.  (kp)