Danter i sorvisc che la Ciasa de Palsa cun le Raiun Sozial á messü straihé por gauja dl Covid, toca ince le "guern ia por le de". Chësc ajache ara ne jô por les restriziuns nia plü da lascé ite tla strotöra porsones "da defora". Cun l’ann nü vëgnel indere de bunes noeles: le sorvisc é indô gnü ativé. Le "guern ia por le de" é n sorvisc ponsé por porsones atempades che vëgn ma ia por le de te Ciasa de palsa y s’un vá da sëra indô a ciasa. Al é la poscibilité da sté tla strotöra da n valgönes ores cina a döt le de, olache an ciafa la marëna y an pó tó pert ales ativités organisades te Ciasa. Por le sorvisc él preodü na picia cuota de partezipaziun ai cosć y por le trasport mëss fistidié la porsona instëssa o i familiars.
Dötes les informaziuns y l’iscriziun al sorvisc é da ciafé te Raiun Sozial a Picolin pro Helga Trebo, ala mail helga.trebo@bzgpust.it o al numer 0474 524513.
Indô le "guern ia por le de"
Cun l’ann nü él indô gnü daurí te Ciasa de Palsa le sorvisc dl "guern ia por le de"
Galaria retrac
View the embedded image gallery online at:
https://www.lausc.it/valedes-ladines/val-badia/22243-indo-le-guern-ia-por-le-de#sigProIdf612d364f2
https://www.lausc.it/valedes-ladines/val-badia/22243-indo-le-guern-ia-por-le-de#sigProIdf612d364f2