La Usc di Ladins

Tl cheder dla bienala Smach 2025 él gnü metü a jí dui proiec satelic. Un de chisc reverda la realisaziun dl conzet de Michelangelo Pistoletto che porta le titul »Terzo Paradiso«. A Calfosch, ai pisc dl ju de Frara, é rová adöm dan otedé por l’inao­daziun, surastanc comunai y pro­vinziai, sciöche presidënc y direturs dles assoziaziuns che á sostegní la realisaziun dl’opera y á contribuí a so finanziamënt. 

»L’ert contemporana ne valorisëia nia ma la contrada, mo ara alza fora tematiches sön chëres che ara vá debojëgn da ponsé sura; ara damana, critichëia, alza forza stories oramai desmentiades y deura finestres sön le dagní«, dij Michael Moling, presi­dënt de Smach. 
Ince chësta istalaziun ti vá do ala conzeziun artistica dl proiet Smach, ara ó contribuí da cherié n liam plü sterch danter teritore, cultura y ert contemporana. L’opera de Michelangelo Pistoletto se taca ite tla discu­sciun revardënta le contrast danter natöra, porsona y artifizialité – trëi componëntes esistenziales.


Deplü da lí ciafëise tla ediziun nöia de vëndres ai 18 de messé!