La Usc di Ladins

»Anche Empedocle era ladino« l é l titol mingol cert de n scrit ruà a La Usc di Ladins che à soscedà discuscions ence a livel regionèl. Se trata de n contribut che merita atenzion ajache l autor l é Cesare Poppi, antropologh che à enrescì trop sui ladins, soraldut chi de Fascia: si studies su la tradizions, la ritualità e l'identità de noscia jent, fondament per l Museo Ladin, é stac publiché dal ICL del 2020 te trei gregn libres.

L intervent de chest antropologh l é nasciù, coche scrif el enstes, canche l é vegnù en consaputa »de la scomenzadiva de l'ApT de Fascia dal titol 'Radicamento: Identità Ladina e yoga' pissèda ensema al Istitut Cultural Ladin, che 'porta a descorir l leam anter la tradizion locala e i elemenc conjonc ai prumes cater chakra: tera, èga, fech e aria' sot la vida de n'autorità mondièla de yoga e medejina ayurvedica«.

De più su La Usc stampèda de en vender ai 9 de otober