Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
24.11.
Natura e ambient
Neva vides de jir a ciacia. Dales 20:50 ca. Test y conzet Fulvio Demartin, produziun Pinterfilm, a cura de Alessandro Dapunt.
25.11.
Ladiniatour26
Dales 20:50 ca. Pproduziun RAI–BZ, regia TV Alessandro Dapunt.
26.11.
Euro – magazin de economia
Dales 20:50 ca. Test y conzet Diego Clara, produziun Zak, a cura de Alessandro Dapunt.
Cursc
21.11.
L or dl’eves
La Lia dal’eves Gherdëina mët a jì n curs per fé cëiresc, ai 21 de nuvëmber dala 15:00 nchin la 18:00 tla pitla sala de cultura tla Cësa di Cungresc a Urtijëi. L curs ie debant ma l vën prià bel de se lascé nuté su pra Evi von Exeli al numer 348/0638945.
25.11.
Depënjer cun uele sun tëila
La lia La Vëta mët a jì n curs de depënjer sun tëila per studënc y nteressei, tla berstot sa Doss a Urtijëi. N se anconta l prim iede ai 25 de nuvëmber dala 20:00 nchin la 22:00. L curs jirà pona inant per cater iedesc, for de mierculdi sëira dala medema ëura. Nfurmazions plu avisa y per se lascé nuté su: Caroline Comploi, 371 3832527.
28.11.
Fé na gherlanda de Avënt
Tla biblioteca de San Durich puderàn fé na bela gherlanda de Avënt cun Elisa y Raffaella, n sada ai 28 de nuvëmber dala 9:00 nchin la 11:00. Cuntribut per l material: 20€ (cëiresc a pert). L vën prià bel de se nuté su te biblioteca.
11.12.
San Ciascian: cursc de paslunch
La scora de paslunch da San Ciascian mët a jí cursc de paslunch por scolars dla elementara y mesana. Al vëgn fat grups de skating, classich y prinzipianc. I mituns podará ince porvé fora le biathlon. Le curs mët man en vëndres ai 11 de dezëmber dales 14:00, tl zënter de paslunch a San Ciascian. Indöt 10 iadi, vigni vëndres 14:00 – 16:00. Cost: 200,00€. Iscriziuns sön https://scuolafondo.it/curs mituns
Uni juebia
Ciaculon deberieda – per ladin
La Union di Ladins de Gherdëina mët a jì la ancuntedes de »Ciaculon deberieda« per chi che scumëncia y chi che ulëssa miuré
View the embedded image gallery online at:
https://www.lausc.it/manifestazions-y-evenc/32969-manifestazions-atuales#sigProId3134f6a62a
https://www.lausc.it/manifestazions-y-evenc/32969-manifestazions-atuales#sigProId3134f6a62a
Dotours
Dutor Gherdëina
L dutor de servisc dala 08:00 de n sada ai 21.11. nchin la 08:00 daduman de n lunesc ai 23.11. ie l dutor Simon Kostner de Sëlva, tel. 347 2297492.
Dotur Val Badia
Tla fin dl’edema di 21 y 22 de novëmber sarál en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 20.11. nchin n vënderdi ai 27.11. ie chëla de Urtijëi, tel. 0471/796125 (orar de giaurida 9:00-12:00/15:00-19:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 20 de novëmber dales 19:00 al vëndres ai 27 de novëmber ales 19:00, é chëra da San Martin/Picolin, tel. 0474 523020.
Avisc
Atualmënter
Ciamena dal guant a Picolin
La Ciamena dal guant da Picolin lascia alsavëi che da sëgn inant pón indô dé jö guant, tres tla medema sënta a Picolin – ti locai dla ex ciasa de palsa. Al vëgn perié che le guant sides net y intier, mo ince te de bones condiziuns. La Ciamena dal guant sará daverta por dé jö guant y por gní a se tó guant vigni jöbia dales 14:00 ales 16:00. Chësc sorvisc é miné por düc y düc é ince bëgnodüs.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema, sön apuntamënt: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410 303 o info@frauenhelfen frauenbruneck.it
20.11.
Incuntada generala dla Lia da Munt Ladinia
Incö vëndres ai 20.11. dales 19:30, tl salf dles manifestaziuns da San Martin. Do le salüt dl presidënt él la relaziun sön l’ativité desfirada tl 2026. Ara vá inant cun le bilanz provisore AVS y CAI y spo sarál na presentaziun dl Aiüt Alpin y consëis. La serada vá a piz cun na cëna y aurela cörta deboriada.
20.11.
Scontrèda con l’Aministrazion de Moena
Insnet, vender 20 de november da les 20:30 te sala Simon Maza a Moena l’Aministrazion de Comun chiama ite i sentadins per n confront avert a duta la comunanza.
20.11.
Fèr cèsa dessema
Insnet, vender ai 20 de november da les 20:30 te sala de Consei de Comun de Sèn Jan, l Comun General endreza na scontrèda con la Cooperazion Trentina per rejonèr del strument de la coprativa per se fèr su la pruma cèsa.
21.11.
La ousc del ativist israelian Guy
Doman, sabeda ai 21 de november da les 20:30 te sala Frasnelli del Centro Servizi de Ciavaleis, Operazione Colombra endreza na scontrèda con Guy, volontarie del moviment noviolent Ta’ayaush per la defendura di deric umans, premie Alexander Langer 2024 che conta de la situazion di teritories palestineisc ocupé.
22.11.
Sènta Zezilia a Sèn Jan
En domenia ai 22 de november da les 10:30 te Pieif de Sèn Jan la Musega da Vich e i Cores animarà la messa en onor de Sènta Zezilia. Do messa la Musega portarà dant n picol conzert.
24.11.
Scontrèda te Cèsa de Paussa
L’APSP de Fascia endreza l terz apuntament de ‘Stèr apede 2026’, en mèrtesc ai 24 de november da les 17:00 a les 18:30 con la psicologa Paola Maria Taufer se rejonarà de ‘Canche muda la sen’, no dormir, se descedèr fora e nets senestres.
26.11.
Sentada cun la popolaziun
En jöbia ai 26 de novëmber dales 20:00 él tla Ciasa dla Cultura a La Ila la incuntada dl’aministraziun dl Comun de Badia cun la popolaziun.
27.11.
Generela dla Lia da Mont
La Lia da Mont tën si senteda generela ai 27 de nuvëmber dala 19:30 tla pitla sala de Cësa de Cultura »Oswald von Wolkenstein« te Sëlva.
Chino
Atualmenter
Al chino de Pardac
Insnet, vender 20 de november da les 21:00 l é l spetacol de Non solo danza dal titol »Eclissi«, sabeda 21 e domenia 22 da les 21:00 l é »Hunger games, l’alba
View the embedded image gallery online at:
https://www.lausc.it/manifestazions-y-evenc/32969-manifestazions-atuales#sigProId3134f6a62a
https://www.lausc.it/manifestazions-y-evenc/32969-manifestazions-atuales#sigProId3134f6a62a
Atualmenter
Al chino de Tieser
Insnet, vender 20 de november da les 21:00 e domenia 22 da les 20:30 l é »Je so pazzo«, domenia da les 17:00 l é »Scrooge e gli spiriti del Natale«, jebia 26 da les 21:00 per la rassegna »Il piacere del cinema« l é »Se domani non torno«, vender 27 da les 21:00 e domenia 29 da les 20:30 l é »Hunger games, l’alba sulla mietitura«.
06.–27.11
Literachino
Ntan l mëns de nuvëmber vëniel mustrà de biei films per tudësch y talian tla bilblioteca de San Durich a Urtijëi. L proscim apuntamënt ie ai 20 de nuvëmber dala 20:00 y pona mo n iede ai 27 de nuvëmber, for dala 20:00. L prugram plu avisa ie da abiné te biblioteca.
22.11.
Al chino de Cianacei
En domenia ai 22 de november da les 20:00 al chino de Cianacei vegn moscià l docufilm »ak, the last frontier« de Marco Bassot, Simone Bolgiani e Tommaso Gazzini, na spedizion de freeride te l’Alaska.
Mujiga
21.11.
San Martin: conzert de Santa Zezilia
En sabeda ai 21 de novëmber dales 17:00 él te dlijia da San Martin n conzert de Santa Zezilia, sot al tema: »Olache usc se unësc, pesc y speranza crësc«. Al sará da aldí n program desvalí, cun amesa ite val’ pinsier meditatif y de reflesciun. Al cianta le Cor de dlijia da San Martin, le cor de mitans »CorUsc« y le cor de mitans y mituns.
21.11.
Santa Zezilia cun la Müjiga de Badia
La Müjiga de Badia inviëia al conzert de Santa Zezilia »Cantus et Symphonia«, en sabeda ai 21 de novëmber dales 20:30, tla dlijia de Badia. An podará aldí n repertore cun musiga classica, operes liriches y composiziuns plü modernes. Ince la sopranista Stefanie Steger acompagnëia la Müjiga te n valgönes dles plü beles melodies dla musiga classica.
22.11.
Conzert de Santa Zezilia a La Pli
Le Cor de dlijia y la Musiga da La Pli inviëia al conzert de Santa Zezilia, en domënia ai 22 de novëmber dales 15:00, te salf dles manifestaziuns da La Pli. Al vëgn ince invié da tó pert ai Öspi da festa, ciantá dal Cor dales 14:00.
29.11.
Nadel Urtijëi: l cianta l cuartet »Sonai«
L cuartet »Sonai« cianterà dan la dlieja de S. Antone a Urtijëi ai 29 de nuvëmber dala 17:00 inant.
29.11.
Cunzert de Santa Zezilia dla Mujiga da Bula
N dumënia, ai 29 de nuvëmber tenirà la Mujiga da Bula si cunzert de S. Zezilia tla Cësa dla Lies sa Bula. L cunzert scumëncia dala 17:00.
28.12.
Nadel Urtijëi: l sona la Mujiga di Jëuni Gherdëina
La Mujiga di Jëuni Gherdëina sunerà ai 28 de nuvëmber dala 17:00 tl zënter de Urtijëi.
Sozial
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06. y 08.12.
Marcià da Nadel dla »Locia«
La berstot prutejeda dla Locia nvieia a si marcià da Nadel, ai 6.12. y 07.12. for dala 10:00 nchin
View the embedded image gallery online at:
https://www.lausc.it/manifestazions-y-evenc/32969-manifestazions-atuales#sigProId3134f6a62a
https://www.lausc.it/manifestazions-y-evenc/32969-manifestazions-atuales#sigProId3134f6a62a
Referac
20.11.
Ziclus dl mëis y bëgnsté feminil
Incö vëndres ai 20 de novëmber dales 19:30 él te scora mesana a La Ila na serada che ó trasmëte na vijiun olistica dl ziclus dla mestruaziun. I odarun co che n ziclus armonich se presentëia, co y ciodí che le ziclus pó influenzé nostes emoziuns y ci che i podun fá por favorí süa sanité. Referënta é Gaia Mureda.
23.11.
Canche nosc mutons à l tisl: co i acumpanie y varì
Ntan l referat cun la dut.ssa Elisabeth Delago uniràl rujenà de omeopatia y mesuns per varì naturei: n lunesc ai 23 de nuvëmber dala 20:00 tla biblioteca de San Durich a Urtijëi.
26.11.
Corvara: Le 1x1 dl auto
Le Consëi de formaziun da Corvara mët a jí na serada olache an pó ciafé consëis por vignidé sön l’auto, en jöbia ai 26 de novëmber dales 20:00, tla fujina Autoservice Agreiter a Corvara. Le referënt Philipp Agreiter respognará a domandes sciöche: ci controi pón pa fá instësc? Co fejon pa da mëte sö morones? Co se comporton pa sce an sbüja? Y tröpes d’atres.
Temp Lede
20-22/11.
Fascia Magia Festival
Ai 20, 21 e 22 de november te chino Marmolèda l é l Fascia Magia Festival. Insnet h. 19:00 apericena ‘Sora desch col mago Sisma’ e h. 20:30 conferenza spetacol ‘Le meccaniche della magia’. Doman, sabeda 21, h. 10:00 laboratorie con la scienza, h. 16:00 laboratorie con la matematica, h. 20:30 spetacol ‘Visioni del mistero’; domenia 22 h.17:00 spetacol ‘Not a magic show’.
24.11.
Contra la violenza su la femenes
En mèrtesc ai 24 de november da les 17:00 te Comun General de Fascia l é la scontrèda »Contra la violenza su la femenes« con la referentes del Portel Antiviolenza de Fascia e Fiem e da les 20:30 al chino Marmolèda l é l film »Se domani non torno« che rejona de Giulia Cecchettin.
28.11.
Luech da Nadel a Urtijëi
L marcià da Nadel tl raion da jì a pe de Urtijëi giaurirà ai 28 y ai 29 de nuvëmber. Coche nce i ultimi ani saràl de plu butëighes che meterà ora si marcanzies (orar: 16:00–19:00) y nce vel’ stont ulache n puderà se maië y bever zeche (orar: 16:00–20:00). Dai 30.11. nchin ai 4 de dezëmber saràl zarà, per giaurì pona inò nchin ai 6 de jené. I orares unirà repurtei.
29.11.
Mountain Christmas: Marcià da Nadel te Sëlva
L Marcià da Nadel te Sëlva giaurirà ai 29 de nuvëmber dala 15:00 nchin la 19:00, cun de bela mujida dal vif de Lucky17. Daldò saràl stlut nchin ai 5 de dezëmber.
29.11.
Lauratuere criatif da Nadel per mutons:ans
Ai 29 de nuvëmber dala 16:00 nchin la 18:00 sun plaza Nives te Sëlva – mutons y mutans puderà mustré duta si criatività: cun Sonia Demetz uniràl depënt figures de lën per les trasfurmé te de bela decurazions da Nadel.
29.11.
Nadel Urtijëi: Juech y devertimënt per mëndri:es
Sun la pitla plaza de S. Antone a Urtijëi saràl nce chëst ann na utia particulera dedicheda ai mëndri y ala mëndres: uni vënderdi y dumënia sëira, dala 17:00 nchin la 18:00 mët la Schiera Junila de Urtijëi a jì n prugram de juech, aurela curta y devertimënt per mutons:ans. Ai 29 de nuvëmber uniràl fat pan sun bachët.
29.11.
Al Plan: Quiz da ostaria
Le Consëi de formaziun d’Al Plan inviëia da tó pert al quiz da ostaria, che vëgn metü a jí en domënia ai 29.11. dales 16.00, tla ostaria Riposo al Bosco – Runcac. Le quiz é ponsé por scuadres. An pó se scrí ite fina ai 25.11. por mail a cdfmareo@gmail.com . Informaziuns ciafon pa Gustl al 335 1050216 (da sëra o por WhatsApp). Le cost é de 10,00 euro a porsona.
Uni lunesc
Cërtl de letura
Tla biblioteca de San Durich a Urtijëi se anconten uni lunesc dala 18:00 per n cërtl de letura cun Nicoletta. Duc possa unì a fé pea.
Mostres y Ert
Atualmenter
Mostra su la geologia
La Fondazion Dolomites Unesco, en colaborazion con la Scola Ladina, à endrezà la mostra »Dolomiti: in cammino nella geologia della meraviglia« da poder veder te l’aula mostres del Liceo artistich a Sèn Jan fin ai 27 de november dal lunesc al vender da les 8:30 a les 17:30, prenotazions a la mail thomas.zulian@scuole.provincia.tn.it.
Atualmënter
Markús Vallazza
Tl self dla mostres tla Cësa di Cungresc a Urtijëi iel metù ora na mostra de Markús Vallazza che se dà ju cun si ani a Urtijëi, 1955 – 1975. La mostra sarà da udëi nchin ai 29 de nuvëmber dal merdi nchin al vënderdi dala 16:00 – 19:00 y de sada y dumënia nce danmesdi, dala 10:00 – 12:00. De lunesc iel stlut. La finissage sarà ai 29.11. dala 11:00.
Atualmënter
Mostra de Egon Rusina
L Tublà da Nives nvieia ala mostra di ultimi cater zitlus de lëur de Egon Rusina, che resta davierta nchin ai 29 de nuvëmber, uni di ora dl lunesc dala 15.00 ala 18.00.
Atualmënter
Lumi sënt l mond
Tl café Surëdl iel metù ora i dessënies dl liber »Lumi sënt l mond«, che sarà metui ora nchin ai 23 de dezëmber.
Atualmënter
Fotos da zacan d’Al Plan
Tl salf dla Raiffeisen d’Al Plan él da odëi cina en domënia ai 22 de novëmber la mostra de fotografies da zacan dl paisc. Ara é daverta vigni de dales 10:00 ales 12:00 y dales 15:00 ales 18:00.
Sport
28.11.
Campiunat IHL: HC Gherdëina vs. Piné
Tl stadio Pranives te Sëlva saràl ai 28 de nuvëmber dala 15:30 la partida de campiunat IHL. L HC Gherdëina jugherà contra l Como.
28.11.
HC Gherdëina vs. Sportivi Ghiaccio Cortina
Tl stadio Pranives de Sëlva saràl ai 28 de nuvëmber dala 19:30 la partida dl campiunat AHL (Alps Hockey League) danter l HC Gherdëina y i Sportivi Ghiaccio Cortina.
29.11.–05.12.
ITF Women Val Gardena Südtirol Raiffeisen
L turnoi nternaziunel dl’ëiles cun n montdepest de 40.000 $ scumëncia ai 29 de nuvëmber y jirà inant nchin ai 5 de dezëmber tl zënter dal tennis te Sëlva.
Teater
Atualmënter
Teater a Santa Cristina
La grupa Teater de S.Cristina nvieia a unì a ti cialé al pez da rì »Sons’a tlo drët?«. La première sarà n merdi ai 24 de nuvëmber dala 20:30 tl self de Chemun a S. Cristina. Daldò saràl mo cin’ reprejentazions, for tl self de Chemun: ai 27.11. dala 20:30, ai 29.11. dala 17:00, ai 30.11. dala 20:30, ai 03.12. dala 20:30 y ai 4.12. dala 20:30.
21.11/04.12.
A teater a Tieser
Taca ite la rassegna de teater de Fiem 2026/27. Doman, sabeda ai 21 de november da les 20:45 te teater de Tieser l é l spetacol »Tutto da aggiustare« de Michela Andreozzi, vender ai 4 de dezember da les 20:45 a Tieser l é »Complessità. Il gioco della vita’ de Andrea Brunello.Publichedes ai 6 de november 2026




