La Usc di Ladins

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé y mparé a balé chësta sort de bal. N se an­conta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scu­mëncia nce l curs per mutans y mutons dai 7 ani insù, recu­nesciù coche materia de nse­niamënt facultativa dala scola elementera de Urtijëi.
Atualmënter
Cursc de jì a ciaval
La scola de jì a ciaval Pozama­nigoni ve aspieta per cursc de raité, raides tl bosch y cun l pony per i mëndri tl »Selva pony adventure land«. Per nfur­mazions cherdé su l 0471 794138.
23.07.
Alisiré le me al brac y ales sciables
Le Consëi de formaziun Badia mët a jí n seminar, olache an pó imparé tecniches por alisiré le me al brac y ales sciables. Le seminar vëgn tigní en jöbia ai 23 de messé dales 15:00 ales 18:30, tl salf dles sentades tla Ciasa dla Cultura a La Ila. Infos y iscriziuns anter i 19.07. al 388 3871597.
23.07.
Curs de yoga sön munt
Alexandra Din tëgn n curs de yoga sön munt, vigni jöbia cina ai 27 d’agost, tres dales 15:30, pro la ütia »Las Vegas« a San Ciascian. Prenotaziuns on­line sön www.moviment.it
26.07.
Iade a Absam
I Seniors dla Val Badia vá adöm ai Seniors de Puster ai 26 de messé a Absam dlungia Desproch. An pëia ia cun le bus dales 6:45 da Pidrô demez. A Absam él dales 10:00 la santa mëssa. Dedô él na bona marëna, domisdé aurela cörta. Prisc cun marëna: 50,00 € (zënza boandes. Da se prenoté él pro Anna cina ai 20.07, fonin nr. 348 0338582.

Segres y Festes
18.–19.07.
Segra de Santa Cristina
Doi dis de festa tl Zënter Iman: n sada ai 18.07. scumën­cia la festa dala 18:00 inant. N dumënia ai 19 scumenceràn dala 09:30 cun la Santa Mëssa y la defileda. L ne mancerà sambën nia da maië y da bever per duc.
25.07.
Gherdëina Craft Beer Festival
Sun Plaza de Chemun de Sël­va uniràl inò a se l dé l Gher­­dëina Craft Beer Festival n sada ai 25 de juni dala 11:00 inant. N puderà ciarcë truep de bon piers d’uni sort.
22.07.
»Paisc en festa« a San Ciascian
En mercui ai 22 de messé él le secundo apuntamënt cun le »Paisc en festa« a San Cia­scian. An mët man dales 16:00 cun n pice marcé y al vëgn dé fora spezialités gastrono­miches. Domisdé sona i grups »!nes&Sophia« y »Vic&Daniel«; da sëra sonará »Louis & The Space Travellers« y »The Waydlee«.

Referac
21.07.
Presentaziun sön i fonguns
En mertesc ai 21 de messé da­les 21:00 pón descurí deplü sön i fonguns, adöm al biologh Claudio Rossi, te salf dles ma­nifestaziuns a Corvara.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce on­line.
21.07.
Ester Ladins tl monn
Dales 20:50. Test y regia Es­ther Videsott, produziun Fu­sago, a cura de Leo Senoner.
22.07.
Trail Spezial
Dales 20:50 ca. A cura dla re­daziun ladina.
23.07.
Jënt dla Ladinia
Dales 20:50. Produziun Peter Obexer, a cura de Leo senoner.

Sport
Atualmenter
L Genoa a Moena
Fin ai 26 de messèl a Soraga e Moena l é la squadra de ba­lon del Genoa vidèda dal Mister Daniele De Rossi. Arce­damenc e partides sul ciamp de balon Benatti de Mo­ena, col sostegn de la Monti Pallidi.
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi ie uni juebia dala 19:00 per dut l instà. Duc ie de cuer nviei, nce de tei che scumëncia permò.
18.07.
Juech de amezizia Palermo FC vs. FC Ingolstadt 04
La scuadra dl Palermo FC fej si alenamënc da d’instà a S. Cristina. Ai 18 de lugio da­la 16:00 jugherài n juech de amezizia contra l FC Ingol­stadt 04 sun l ciamp de Mulin da Coi. Ntreda: 10,00€.
18/21.07.
Con i jiadores del Genoa
Doman, sabeda 18 de messèl da les 21:00, n grop de jiadores del Genoa scontra sie sostegni­dores te La Gran Ciasa a Soraga e mèrtesc 21 da les 21:00 mister De Rossi prejenta la squadra te piaz Marconi a Cianacei.
22.07.
Juech de amezizia Palermo FC vs. FC Paradiso
La scuadra dl Palermo FC fej si alenamënc da d’instà a S. Cristina. Ai 22 de lugio dala 17:00 jugherài n juech de amezizia contra l FC Paradiso sun l ciamp de Mulin da Coi. Ntreda: 10,00€.
01.08.
»Pradel Cup« a San Martin
I jogn da San Martin organi­sëia le torné de palé de nöt, dala sabeda ai 1. d’agost dales 16:00 inant. Les scuadres da 4+1 sogadus pó se scrí ite anter i 25 de messé pro Gio­vanni al 377 3422077 (tres WhatsApp o SMS). Por spëisa, boanda y musiga él fistidié.

Dotours
Dutor Gherdëina
L dutor de servisc dala 08.00 de n sada ai 18.07. nchin la 08:00 daduman de n lunesc ai 20.07. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia 
Tla fin dl’edema di 18 y 19 de messé él en sorvisc ti co­muns de Mareo y San Martin le dotur Eduard Agreiter, San Martin de Tor, tel. 0474 523 315 o 333 138 0852. Ti co­muns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.07. nchin n vënderdi ai 24.07. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 17 de messé dales 19:00 al vëndres ai 24 de messé ales 19:00, é chëra da Corvara, tel. 0471 830237.

Sozial
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
17.07.
Deberieda: jita sa la Utia Panorama
N se anconta n vënderdi ai 17 de lugio dala 14:00 dan la Cësa de Paussa a Urtijëi. La grupa Deberieda ie na grupa cun ulenteres, per se ancunté danter persones che à proble­ms psichics o de sozialisazion.

Iadi y Jites
20.-25.07.
Iscrizions: cun l’e-bike sul »Marchkinkele« y ora per i ëures dl cunfin
La Lia da Mont mët a jì chësta jita n sada ai 1. de agost. La cu­riera pëia via da Plaza S. Antone dala 06:30. L ie na jita mesanmënter ria de za. 62 chilometri, che se damanda tecnica y n pue’ de training sun la roda. N possa se nuté su tres whatsapp dai 20 nchin ai 25 de lugio al 338 3340111 (Theo). Per plu nfurmazions: Georg 335 7885710, Theo 338 3340111. Priesc: 18,00 € per scric ite, 13,00 € per scric ite sot ai 18 ani.
23.07.
Jita dal jëuf de Jaufen via per la cresta
La grupa Nëus jon pa bel plan mët a jì chësta jita n juebia ai 23 de lugio. L vën pià via da Sëlva demez (Hotel Oswald) dala 7:15 – la curiera fërma damprò ora a Santa Cristina (Bar 2000) dala 7:20 y a Urtijëi (Plaza Sant Antone) dala 7:30. L sarà da jì 4,5 ëura cun n deslivel de 450 metri su­vier y juvier. N possa se nuté su dai 14.07. nchin ai 21.07. tres whatsapp o sms al nu­mer 320 045 4724 (Hel­muth). Priesc per i scric ite 18,00 €.
26.07.
Jita sun l Vallon Bianco
La Lia da Mont Gherdëina mët a jì na jita sun l Vallon Bianco (2.684 m) tl raion de Fanes, n dumëniai 26.07. L se trata de na jita putosc longia y che se damanda n var segur cun n valgun tòc ulache la va scialdi juvier. L ie da fé n de­slivel suvier de 1.150 metri, feter 20 chilometri y de ndut 8,5 ëura da jì. N possa se nuté su n lunesc ai 20.07 nchin a n juebia ai 23.07 tres whats­appa al numer de Romana 338 8988620, dajan ju l inuem y la luegia ulache n sënta su tla curiera. Priesc per i scric ite ala Lia da Mont: 18 €, sot a 18 ani 13 €.

Mostres y Ert
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu – vë, 09:00 – 19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
missing glaciers – missing me
L Tublà da Nives nvieia de cuer ala mostra dla artista Wil-ma Kammerer, che re­sterà davierta nchin ai 26 de lugio.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nsta­­­lazions d’ert dla Bienela Gherdëina. Plu nfurmazions sot a www.biennalegherdeina.org
Atualmenter
Mostra de Claus Soraperra
Fin ai 26 de messèl tel spazie espositif te strada de Gocialch 4 a Moena se pel veder la mo­stra del artist Claus Sora­perra dal titol ‘Eburnea – Geometries del acort’. Orarie: duc i dis da les 17:00 a les 19:00.
Atualmënter
Mostra de Elisa Rungger
Tla ütia Piz Boé Alpine Loun­ge a Corvara él da odëi döt isté na mostra cun chedri de Elisa Rungger da Rina.
Atualmenter
Mostra ‘Ad Jesum per Mariam’
Fin ai 29 de messèl te gejia de Sènt’Ugèna, tel chèder di evenc de Ispirazions d’istà, se pel veder la mostra ‘Ad Je­sum per Mariam’ de Rosan­na Pellicani che compagna la vijites con sia musega: dal lunesc al vender h. 10:00-12:30; 15:00-18:30, sabeda e domenia h 10:00-12:30.
Atualmenter
Mostra de ROTT a Vich
Fin ai 25 de messèl, da les 16:00 a les 19:00, se pel veder te Tobià de Val, te strada de Val a Vich la mostra de operes d’èrt dal titol ‘Liëndes ladines dles Dolomites’ del artist ba­diot Lois Rottonara – ROTT.
Atualmënter
Mostra »Theatrum Naturae -la paladina dl vif«
La mostra tla galaria Vijion a Puntives, resterà davierta nchin ai 10 de agost, dal lunesc nchin la sada, 16:00 – 19:00. Per vijites ora dl orar de giau­rida: 338 2098697.
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.
17.07.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 17 de lugio dala 19:00 nchin la 22:00.
17.07.
Giaurida dla mostra: Mumënc tla Dolomites
La giaurida dla mostra de fotografies de Gabriel Demetz sarà n vënderdi ai 17 de lugio dala 18:00 tla biblioteca Tresl Gruber a S. Cristina. La mo­stra resterà da udëi nchin ai 31 de agost ntan i orars de giaurida dla biblioteca.
19.07.
Lauratuere per mutons:ans
La Bienela Gherdëina nvieia mutons:ans (dai 4-12 ani) cun families a chësc lauratuere criatif. L argumënt ie «fé, desfé y refé». N se anconta n dumënia ai 19 de lugio dala 10:30 dan l Info Point tl self Trenker a Urtijëi. N possa fé pea debant. Iscrizions sun la plata dl Val Gardena Active.
25.07.
Atelier daviert
Deberieda cun i artisć Gregor Prugger y Leonora Prugger jiràn a ti cialé a si atelier sa Pilat. N se anconta dan l Info Point tl self Trenker a Urtijëi dala 16:00 – da iló jiràn pona su sa Pilat a pe (za. 40 menuc). N possa fé pea debant. Iscri­zions sun la plata dl Val Gar­dena Active.

Mujiga
Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.
17.07.
Conzert dla Musiga da Rina
La Musiga da Rina tëgn con­zert, incö vëndres ai 17 de messé dales 21:00, sön paiun d’Al Plan.
17. y 18.07.
»Gadersound Open Air Festival«
Ai 17 y 18 de messé vëgnel tigní le »Gadersound Open Air Festival« a Pidrô. Le festi­val vëgn daurí en vëndres ai 17 de messé dales 20:00 cun de plü grups che sona. La sabeda danmisdé vëgnel orga­nisé n curs de yoga, da misdé sarál spo n program de intrati­gnimënt por families. Entrada da misdé debann. Dedô sona cina da sëra grups desvalis.
19.07.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 19 de messé dales 13:30 inant sona tla ütia »L’ Tamá« a Badia la »Böhmische da Badia«.
19.07.
L viac de Aurona a Navalge
Domenia 19 de messèl da les 21:00 te teater de Navalge l’or­chestra Aurona, vidèda dal maester Claudio Vada­gnini, met dant l conzert »L viac de Aurona« con toc per ladin.
19.07.
Matinée – David Frank Ensemble
L David Frank Ensemble su­nerà sun Pitla Plaza de Sant Antone a Urtijëi, ai 19 de lu­­­gio dala 11:00 nchin la 12:30. L sarà n prugram rich che va da mujiga tradiziunela a moderna.
20/23.07.
Lux Aeterna con l Canticum Novum
Lunesc 20 de messèl da les 21:00 te gejia de Moena e jebia 23 da les 21:15 te la Peif de Sèn Jan l Ensemble Can­ticum Novum, sot la direzion del maester Ilario Defrancesco, porta dant n nef conzert dal titol »Lux Aeterna«.
21.07.
Cunzert InCanto
Ntan la sëira sun Plaza de Chemun de Sëlva prejenterà l Lignum Quintett, deberieda cun la doi solistes Stefanie Steger y Michael Feichter, n prugram rich cun pec cune­sciui de opres y operetes, duec y ouvertüres. L cunzert, che ie n merdi ai 21 de lugio, scu­mëncia dala 21:00.
23.07.
Cunzert dla Mujiga de Sëlva
La Mujiga de Sëlva sunerà ai 23 de lugio dala 21:00 inant sun Plaza de Chemun de Sëlva.
23.07.
Cunzert dla Mujiga de Urtijëi
La Mujiga de Urtijëi sarà da audì sun plaza San Durich a Ur­tijëi ai 23 de lugio dala 21:00. Sce l ëssa da pluëi, unirà l cunzert spustà tla gran sala dla Cësa di Cungresc.
24.07.
Cunzert de percuscions
L cunzert dla grupa konTakt, che purterà dant l pez Tutu­guri de Wolfgang Rihm, sarà ai 24 de lugio dala 18:00 sun plaza Rezia a Urtijëi.
23.07.
Conzert dla Musiga da San Martin
La Musiga da San Martin de Tor tëgn conzert, en jöbia ai 23 de messé dales 21:00, sön plaza de paiun a Lungiarü.
24.07.
Conzert dla Musiga d’Al Plan
La Musiga »Catarina Lanz« d’Al Plan tëgn conzert en vëndres ai 24 de messé dales 21:00, sön paiun d’Al Plan.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntra­tenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l ba­sta nstalé l prugram »TE­AMS« sun l computer y jì ite sot a chësc link: https://url-shortener.me/GIBM
Uni juebia
Chino da d’instà per mutons:ans
Dai 23 de lugio inant – per cater juebies ndolauter, for dala 17:00 – uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant. La lista di films ie da abiné te biblioteca.
18.07.
Pop Ladin a Vich
Sabeda 18 de messèl da les 21:15 te piaz tedant al Ofize di foresć a Vich l é l conzert del grop Popcorner che met dant ence toc ladins.
21.07.
Entorn Vich
Mèrtesc 21 de messèl con scomenz da les 19:30 l é la festa enogastronomica ‘Entorn Vich’ con magnères, musega, mestieres e jeghes fora per l paisc de Vich.
22.07.
Musciatan a Pera
Mercol ai 22 de messèl con scomenz da les 21:15 vegn serà fora strada de Jumela a Pera per ge lascèr lèrga a la musega con desvalives gropes folk e band rock-pop.
17. y 24.07.
GAZZETTA TALKS – Stories de sport
Ntan l instà – for dala 18:00 sun Pra da Nives te Sëlva – puderàn ancunté n valgunes dla majera persunaliteies dl sport talian che cunterà de si suzesc, ndesfidedes y mumënc plu biei de si carieres. Ai 17 de lugio saràl prejënt Alessan­dro Costacurta y ai 24 de lugio Gianluca Zambrotta.
26.07.
Südtirol cujina
La show de »Südtirol kocht« ie per l cuinto iede te Sëlva, nce chëst iede pra la Utia Ciam­­pac te Val. Ai 26.07. dala 11:30 inant, cun l chef Marc Bernardi, l chef Norbert Dejaco, l cuech Hanzek Boris y la paura Anna Messner Pera­thoner. Duc ie nviei a chësc evënt culinarich speziel.

Chino
Atualmenter
Al Kino de Cianacei
En domenia ai 19 de messèl da les 21:00 l é »Odissea«, mèr­­tesc 21 da les 17:30 l é »Bridge Project« aperikino con musega live e aperitif, ven­der 24 da les 17:00 l é »Calice & Totebag« aperilab kino con laboratorie creatif e aperitif e da les 21:00 l é »Odis­sea«. Info @cinema teatro marmoladacanazei.
Atualmenter
Al chino de Pardac
Doman, sabeda 18 de messèl e domenia 19 da les 21:00 l é »Odissea«, mercol 22 da les 17:00 l é »Toy Story 5«, sabeda 25 e domenia 26 da les 21:00 l é »Odissea«. Info: www.cinemapredazzo.it.
Atualmenter
Al chino de Tieser
Doman, sabeda 18 de messèl da les 21:00 e domenia 19 da les 18:00 l é »Odissea«, mèrtesc 21 da les 17:30 e da les 21:15 en 2D l é »Minions & Mon­sters«, mercol 22 da les 17:15 l é »Pecore sotto copertura« al cost de 5 euro e da les 21:00 l é »Odissea«, jebia 23 da les 21:15 l é »Le cose non dette« al cost de 3,50 euro, vender 24 da les 17:30 l é »Toy Story 5« e da les 21:15 »Michael«. Info: www.cinematesero.com.